رحلتنا اليوم الى باريس

رحلتنا الى باريس نرجو من كل من لديه معلومات يضعها وشكرا

السلام عليكم ورحمة الله وبركاته
عندي مجموعة من المعلومات التي تخص مدينة باريس واتمنى ان تستفيدون منها في حال زرتم هذة المدينة.

بـــاريـــس

باريس عاصمة النور والجمال .. وهي احدى المدن الفرنسية الجميلة وراح ابدا بالمناطق في باريس حيث ان باريس تنقسم الى عشرين منطقة وتسميتها تبدا من باريس واحد الى باريس عشرين ... طبعاً احلى المناطق

واشهرها هي باريس ثمانيه .. بسبب وجود شارع المشاهير الشانز اليزيه وبعض الشوارع الاخرى مثل الافنيو مونتين وسان اونوريه (او سانت هونور ).يبدا الشانزليزيه بقوس النصرARC DE TRIOMPHE وارتفاعه ياصل الى 110 متر اذا طلعته يعطيك بانورما على الشانزاليزيه ولا اروع منه.

المحلات في هالشارع كثيره ومن اشهرها محل العطورات وادوات الزينة سيفورا SEPHORA..وهالمحل يعتبر اكبر محلات العطورات في باريس. ومن المحلات الكبيرة في هالشارع محل اسمه فناكFNAC والمحل هذا جنب السيفورا وهو في قلب الشانز اليزيه والمحل هذا مشهور بالادوات الالكترونيه من كمبيوترات وجوالات وخلافة والمحل هذا يبيع شرائح جوال مدفوعه (سوا الفرنسيين) .. سعر الشريحه حوالي 30 يورو .. ويطلبون منك احضار جواز سفرك عشان يعطونك شريحه!! وفيه محل ديزني لملابس والعاب الاطفال .. ولوي فيتونLOUISVUITTON وهذا من اغلى محلات الجلديات. وشارل جوردان للاحذيه والجاكيتات والعديد من المحلات التجارية والأسواق الصغيرة ولكن عيب هذا الشارع هو الغلاء الشديد في الأسعار حيث انك تجد بعض بضائعهم في اماكن اخرى بعيدة عن هذا الشارع وبدون مبالغة بربع القيمة وقد يكون السبب في ذلك هو شهرة هذا الشارع ونوعية مرتادية.كما يوجد في هذا الشارع سوبر ماركت وهو الوحيد من وجهة نظري ذي الأسعار المعقولة وبدون اي تلاعب واسمةMonoprix.كما يوجد في هذا الشارع العديد من المقاهي ومن اشهرها مقهى الفوكيتFouquets نسبة الى مؤسسه لويس فوكيه وموقعة رائع بين الشانزاليزيه وشارع جورج الخامس. ومن المقاهي المعروفه هناك قهوة باريس Cafe De Paris ومقهى Renault وهو داخل معرض سيارات رينو وهو هادىء وجميل للعائلات.ومن الأماكن المميزة في هذا الشارع محل هاجنزداز Häagen-Dazs للأيسكريم وفية جميع الأنواع وطرق التقديم عندهم مبتكرة ورائعة....وللمعلومية فأن جميع هذة الأماكن تعتمد على الحجز في الجلوس بها وخصوصا في اوقات الذروة وعدم حجزك يخليك بطابور الأنتظار لمدة ساعة احيانا.وبالنسبة للمطاعم في هذا الشارع فيوجد مطعم ماسيون دي السياس MAISON D'ALSACE وهالمطعم من احلى المطاعم اللي تقدم المأكولات البحرية كما يوجد مطعم بيتزا بينو Pizza Pinoوهو تقريباً اشهر مطعم في الشانز اليزيه يقدم البيتزا والمأكولات الأيطالية وايضا مطعم بلانيت هوليوود Planet Holywood. مطاعم الوجبات السريعه المشهوره في الشارع هم ماكدونالدز McDonald's ومطعم كويك Quek هذة تقريبا اشهر المقاهي والمطاعم في هذا الشارع او بالأصح الي اذكرها.ويوجد في شارع الشانزاليزية تقريبا فندق واحد يقع على الشارع مباشرة وهو فندق الماريوت Marriott وهذا الفندق الغريب في مدخلة واللوبي التابع لة لا يستحق المبالغة في اسعارة حيث يبلغ سعر اقل غرفة فية 2000ريال سعودي واعتقد ان للموقع دور في السعر.

ثاني اشهر شارع في باريس هو شارع جورج الخامس او افنيو جورج اسانك Av. George V

وياتي في قلب هذا الشارع الفندق العالمي الشهير فندق جورج الخامس Four Seasons Hotel George V واللي تعود ملكيته للامير الوليد بن طلال وهو من اغلى الفنادق في باريس وافخمها ... وجنبه فندق برنس دو قول Prince De Galles ويوجد في هذا الشارع اشهر مطعم عربي في باريس وهو الديوان وافضل الأوقات لزيارتة هي في النهار لأنة في الليل يكون غير مناسب للعائلات وفي شارع جورج الخامس مطعم حلو وفخم اسمه فندي FINDI وعلى ما اعتقد انه مايفتح الا في المساء ..في الشارع محل كبير لجورجيو ارماني .. وبوتيك فريه FERREيتفرع من شارع جورج الخامس شارع اسمه فرانسوا الاول rue Francois Ier وعلى هالشارع مجموعه من الفنادق والمطاعم منها مطعم العجمي (فرع للي عندنا في شارع الثلاثين ) .. وفيه شركة وبوتيك كارتييه Cartier ... وفيه بعد بوتيك شوميه وزينيا وفرساتشي وغيرها كثير في نهاية الشارع يجي شارع من العيار الثقيل اسمه افنيو مونتين Avenue Montaigne وهالشارع عليه افخم المحلات في العالم مثل شانيل، وهاري وينستون ، وروبرتو كافالي، ولوي فيتون وديور وهذة المحلات ليست فروع بل الرئيسية وفيها جميع منتجات هذة الشركات من اكسسوارات وملابس وجلديات....الخ وغيرها الكثير من المحلات الفخمة والماركات الفرنسية الشهيرة. في وسط الشارع فندق بلازا اثينيه Plaza Athenee وهو من الفنادق الفخمة في باريس

وفيه شارع اسمه رو فوبور سان اونوريه Rue Faubourg St Honoré والشارع هذا يعادل الافنيو مونتين في الفخامة والمحلات اللي فيه تقريباً نفس المحلات في الافنيو مونتين الا انها اكثر هنا ... وفي نفس الشارع فندق بريستول Bristol وهو من اغلى فنادق باريس.....

((معالم باريس السياحية))

1-برج ايفل Eiffel Tower.. اعلى مكان في باريس .. ارتفاعه 276 متر ويفتح من الساعة 9 الى الساعه 12ليلا.

2-متحف اللوفر ..من اشهر المتاحف في العالم وموقعه خلف ساحة الكونكورد اللي في نهاية الشانزاليزيه .. وفيه اشهر لوحه .. الموناليزا.

3-قوس الدفاع او لا ديفانص Grande Arche de la Défense

4-مونمارت او مونماختغ Butte Montartre & Basilique du Sacre Coeur وهذي منطقتها تطل على باريس كلها.. وبصراحة من احلا المناطق في باريس وفيها العديد من المقاهي والمطاعم.

5-مونباغناس montparnasse وهذي اطول بنايه في اوروبا ارتفاعها ياصل الى 209 متر وفيها مطعم يطل على باريس.

6- نهر السين طوله 13 كيلو فيه رحلات سياحيه في النهر على سفن اسمها باتيموش تاخذ فيك لفه على النهر .. وفيه سفن فيها مطاعم جميلة للعشاء في الليل.

((الملاهي))

1-ديزني لاند باريس Disny Land Paris

وهي تبعد 25 كيلومتر عن وسط باريس .. وتقدر تروح لها بالسيارة او بالقطار او بالباص .. منطقة الديزني عبارة عن منتجع كامل .. يعني تلقى فيها فنادق وحدائق وملاهي ومطاعم مثل بلانيت هوليوود.. وبالنسبة للملاهي اول ماتدخلها تلقى مكاين تبيع كروت اسمها فاست باس Fast Pass هذي ميزتها انك ماتصير تمسك سرا في الالعاب .. يعني اللي قليل صبر يشتريها.

2- ملاهي استريكس Parc Asterix ملاهي جميله وتبعد عن وسط باريس 36 كيلومتر.

3-اكوا بولفار Aqua Boulevard مدينة مائيه روعه .. للكبار والصغار تبعد عن باريس 25 كيلو.

(((الأسواق)))

1-اشهر سوق موجود في باريس هو القاليري لافاييت GALERIES LAFAYETTE

وهو في منطقة الاوبرا او باريس 9 على شارع بولفار اوسمان boulevard Haussmann .. ويتكون من سبعة او ثمانية ادوار..ويفتح من الساعة 9 ونص صباحاً الى 7 ونص مساءً .

2-Le Bon Marche (لو بون ماغشيه)

وموقعة24Rue de Sevres.

3-3Suisses France (تغوا سويس فغونس) ويقع في

4Rue de la centenaire.

4-LA SAMARITAINE (لا سماغيتن) ويقع في

19rue de la Monnaie

5-Au Printemps (أوبغانتوه) ويقع في

64bd Haussmann 75009 PARIS

وللمعلومية في سوق شعبي يقام يوم السبت او الأحد ما اذكر وكل اسبوع يكون في منطقة معينة وفية اشياء مميزة وبأسعار خيالية من الرخص فيجب سؤال الفندق عن موقع السوق في الفترة الي تكونون فيها في باريس.

((مطاعم انصح بزيارتها))

مطعم لو قراند كافيه Le Grand Cafe في منطقة الاوبرا ومن المطاعم اللي تفتح 24 ساعه ،مختص بالماكولات البحريه واكلهم خياااااااااالي.

مطعم هيبوبوتامو Hippopotamus مختص بالستيك والاكلات الامريكية .. له فروع كثيره فيه واحد في شارع في منطقة الاوبرا امام القراند كافيه.

مطعم بودا بار Boda Bar مطعم عالمي وجلسته حلوه .. ولازم حجز .. واحلى يوم له الاحد.

مطعم مكسيم Maxim's شارع Rue Royale من المطاعم الحامضه من ناحية الاسعار بس ان فخامته تحكي يعني ماعليه كلام ابد .. يكفى ان عندهم مدرسه عالميه للطبخ.

وبالنسبة للمساجد اللي يصلى فيها الجمعة يمكنالأتصال على الرقم هذا وهم بيعلمونك عن اقرب مسجد لك

Phone for the public

33 97 35 45 (1) 33+

(((ملاحظات على باريس)))

1- بالنسبة لبطاقات أعادة شحن الهاتف توجد عند اي محل يبيع دخان TABAC.

2-التنقل في باريس اما عن طريق المترو او التاكسي .. المترو اول شي تشوف خط سيرك والمحطة اللي تبي تروحلها وبعدين تقص تذكره سعرها تقريباً 1ونص يورو وتوصلك للمكان اللي تبيه ... وانتبه ترمي التذكرة اذا دخلت .. لان الشرطة احيانا تسوي حملات تفتيش على التذاكر واذا مالقوا التذكرة دخلت في سين وجيم.

3-التاكسي لا يقف في اي مكان لازم توقف عند لوحة مكتوب عليها TAXI وهو يجي اذا كان فاضي واسعارة تزيد بعد الساعة 7مساء بنسبة 30%.

4- الشيكات السياحية غير مرغوبة في اكثر المحلات والمطاعم ومن يقبلها يحسب عليك عمولة 5% واذا بغيت تصرفها من الصرافيين اخذو عمولة 3% انا اعتقد ان البطاقات الأتمانية هي افضل شيء لكن الفرنسسين لا يفضلون امريكان اكسبريس وبعضهم يرفضها فماستر وفيزا هي الأفضل بالأضافة للكاش.

5- تحويل النقود من الدولار لليورو متقلب جدا والغريب انة دايم ينقص والصراحة الكاش غير اليورو بعد متعب واحس انة فية استغلال.

وانتظروا الصور